Monday, October 1, 2018

«Ծիածան»

Շարունակում եմ տնտղել անգլիացիներին:-) Չնայած D. H. Lawrence-ն ինձ համար Թոմաս Հարդի չի, ում հետ նոր ենք ծանոթանում: D. H. Lawrence-ն իմ «քանդակագործներից» ա:-) Բայց «Ծիածանը» չէի կարդացել: Ու 20-ում D. H. Lawrence-ը կարող ա քեզ կերտել, իսկ 40-ականներո՞ւմ... Գրում եմ «հընթացս», որովհետև հետո կալարեմ, կամ մտքերս կչվեն տաք երկրներ: 

Առաջին մի քանի էջից միանգամից հայտնվեցի 20-ականներիս զգացմունքներում ու մտքերում: Գրքերն ամենալավ ժամանակի մեքենաներն են։-) Բայց հենց նոստալգիայից հագեցա, սկսեցի կարդալ, ինչպես միշտ եմ կարդում՝ թուլանալով ու ընթացքում, եթե հաճույքն եկավ, հաճույք ստանալով, եթե ոչ՝ բայ-բայ-գուդ բայ։-) Երևի 30-րդ էջից ասեի գուդ բայ, եթե D. H. Lawrence-ը չլիներ:-) Համ էլ չեմ սիրում կիսատ թողնել գր... ոչ մի բան:-) 

Եթե 20-ում ինձ dark ու mystic բառերը տեղափոխում էին dark ու mystic զգացողություններ, հիմա դրանց հաճախությունից զահլես գնում ա:-) Դրանց  անորոշությունների կծիկից, անհասկանալի անդինից, կիսատ-պռատ չասված-հավանաբար-այսպես-կամ-էլ-այսպես-զգացածներից ոչ թե ռոմանտիզմի հորձանուտն եմ ընկնում, այլ ռացիոնալությունս թթված ու սևեռուն ինձ ա սկսում նայել, կամ glowers at me, ինչպես կասեր D. H. Lawrence-ը;-) 494 անգամ մենակ dark բառն ա օգտագործում «Ծիածանում», որ ի՞նչ:-))))) Հա, լավ, խոստովանեմ, որ հերոսուհին ու իր մաման մուգ մազեր ունեն, ամուսինն էլ՝ մուգ մաշկ ու դրանց հղումներն էլ քիչ չեն:-)

Monday, September 24, 2018

Անգլիաներ

Վերջերս էնպես ա ստացվել, շատ եմ կարդում անգլիացիներին ու հա որոշում եմ գրել, բայց չեմ անում, որովհետև ի՞նչ գրես գրածի մասին:-))) Օրինակ՝ մի երկու տարի առաջ գերմանացիներն էին ու պատահականորեն էդ մի երկու տարի առաջը համընկավ առաջին անգամ Գերմանիա ճամփորդությանս հետ (էլի էի եղել, բայց միայն Բեռլինում ու գործուղման, դա հաշիվ չի:-)): Լրիվ ուրիշ են գերմանացիք:-) Բայց էդ մասին չգրեցի, հիմա մնացել ա միայն ուրիշության զգացողությունը:-)

Մեկ էլ երբեմն, երբ ջահել ժամանակվա գրածներս եմ կարդում տարբեր գրքերի մասին, հավես ա. տեսնում եմ, ոնց եմ փոխվել:-) 

Wednesday, August 22, 2018

Առավոտ լուսո

Գործի եմ գնում: 57 համարի ավտոբուսով: Ոչ մի բանով առավոտը չի տարբերվում նախորդ առավոտներից, ու ամենայն հավանականությամբ չի տարբերվելու հաջորդներից: Մեկ էլ հանկարծ ապակուն շատ մոտ արմունկս խուտուտ ա գալիս: Քանի որ թմրած եմ արևից, իսկ Բրանդերբուրգյան 1-ին կոնցերտն ինձ լրիվ ուրիշ «ավտոբուսում» ա տեղավորել, դրան էլ գումարած, որ առնվազն հինգդարյա լոռեցի եմ, աջով կամաաաաաաց հասնում եմ ձախին, որ տեսնեմ էդ ի՞նչն ա տենց խուտուտ ածում: Մինչև աջ ձեռքս տեղ կհասներ, ձախ աչքս միիի քիչ ավելի թափով շրջվեց ու ապակուն տեսավ բարալիկ ոտներով, կեռ, աջուձախ տնկված ու հատվելու անընդունակ երկաաար բեղիկներով ու անճոռնի, օվալաձև տուտուզով մի էակի: Երևի աջիս շատ շոշափելի ներուժի հավանական հետևանքներից դեռ չսթափված՝ եռանդով շագանակադեղնավուն տուտուզը թափահարում էր ու առջևի լղարիկ ոտիկներով գլխին վայ էր տալիս մի անհասկանալի միջատ, որ միջատագիտության իմ նվազագույն գիտելիքները թույլ չտվեցին տեղում դասակարգել որպես ճանճ կամ բզեզ ու դասակարգման իմ անկարողությունից դրդված՝ սկսեցի հետաքրքրությամբ վարքն նորա ուսումնասիրել: Հարդարվելը կամ սթափվելն ավարտելուց հետո սահասողալով ապակիով վերև մագլցեց ու թաքնվեց ապակին շրջանակող սև ռետինի անկյունում: Վիզս ցավեց երկար նայելուց, ստիպված սկսեցի մտածել: 

Ի՞նչ ա քաղաքակրթությունը: Բնազդայինից՝ մտածված վարքին անցում: Իմ բնազդն ինձ ասում ա՝ տուր սատկացրու: Մի վայրկյան, ավելի քիչ, ու ես սկսում եմ ապրել իր հետ: Էդ մի վայրկյանին հասնելու համար հինգ դար չէ, հարյուրավոր դարեր ենք ապրել: Մեզանից ոմանք հասել են մի վայրկյանին, մյուսներս՝ չէ: Էդ մի վայրկյանի արդյունքում ունենք, ասենք սկանդինավներ, չեղած վայրկյանի արդյունքում՝ Սուդան: 

Մի վայրկյանում ես հիշում եմ, որ ինքն ունի ապրելու իրավունք, ինչպես՝ ես: Ու քանի դեռ ինքն իմ իրավունքից ինձ չի զրկել, ես ու ինքը կարող ենք միասին ապրել: Ես մեծ եմ, ինքը՝ փոքր ու դա ավելի շատ ա օգնում հրահրում իմ բնազդային ճըլըպը: Բայց ես կարող եմ իրեն չսատկացնել, որովհետև մի վայրկյան մտածել եմ:

Մեծուփոքրն էլ ա հարաբերական...  բա որ մի հատ կծել էր ու պարզվել էր, որ 100,000-ից հենց մենակ ես պիտի «թունավորվեի» էդ խայթոցից:-)

Սենց էլի:-)

Monday, August 20, 2018

Պարանո(յ)ա

"Paranoia is an instinct or thought process believed to be heavily influenced by anxiety or fear, often to the point of delusion and irrationality."

Չգիտեմ, էն վերջին՝ հաճախի մասով ասվածին հասնո՞ւմ եմ, թե՞ չէ, բայց որ մտահոգությունն քիչ մը շատ ա՝ հաստատ։ 

Աշակերտներն անվճար կայցելեն մշակութային հաստատություններ

Ինչի՞ չեմ իմ ընկերներից շատերի նման ուրախանում: Որովհետև պարանոյիկ եմ.....

Երբ կարդում եմ «անվճար», միանգամից պարանոյիկ փոթորիկ ա սկսվում ուղեղումս: Էս դեպքն էլ բացառություն չի: 400 միլիոնն անվճար ա՞՞՞՞:

Friday, May 25, 2018

Արարատյան բակալավրիատ, ԿԳՆ, ԱՅԲ ու կաշա

Կամ իմ սանատորիան ա ինձ ստիպում, կամ իսկականից էնքան եմ ջղային, որ դնջությունս էլ չի դիմադրում, դե, կամ էլ հայեցիությանն համահունչ կոմպլեմենտար ֆակտորային համակցության դրդմամբ, բջջայինով սենց բան եմ անում, քանի որ Գերմանիա տեղեր ինձ չի թողնում ուրիշի կոմպով իմ զինքս գուգուլ հաշիվ մտնեմ, քանզի վասնզի հեռախոս մը չունիմ... այո, հեռախոսն է, որ քեզ մարդ մըն է դարձուցիր ասիկա դարեն ի վեր.... էխ, բութն ինչ է, ադիկա էլ չունիմ էս կպչուն ստեղնաշարիս վրան։

Ինչևէ, ինչի՞ եմ ջղային։ ԱՅԲ-ի հետ կատարվող էս ամեն ինչի պատճառով։ Ոչ  միայն, բայց դե մի բան պե՞տք ա ընտրել ջղայնության վեկտորն ուղղելու համար։

Էս ամենում ինձ համար շատ ու ըստ էության ամենակարևոր բանը. քաղաքականության իրականացման առումով ոչ մի էական տարբերություն չեմ տեսնում նախորդ ԿԳՆ-ի հետ․․․ Լայվը, կարմիրով հեգնանքն ուղղված կոնկրետ անձի ու տենց բաները տարբեր են, ու էստեղ վերջանում ա տարբերությունը։


Tuesday, May 15, 2018

Մոդայիկ՝ դբա բաց նամակոտ

Ես տխրում եմ, երբ կարդում եմ Կրթական քաղաքացիական նախաձեռնության առաջարկները կրթության նոր օրակարգ ձևավորելու մասին: Եթե միայն 150 անհատ քաղաքացիներ նման առաջարկներ արած լինեին, չէի տխրի: Բայց երբ առաջարկների հեղինակները նաև 9-ը մասնագիտական կազմակերպություններն են, տխրում եմ: Էս էլ իրենք իրենց մասին՝

Friday, March 30, 2018

Ռազմահայրենասիրական

Հիմա մե՞նք ենք ռազմահայրենասեր, թե՞ ֆինները. 

TIMMS 2015. 4-րդ դասարան. մաթեմատիկա.

Ֆինլանդիան բայց շատ անքաղաքակիրթ դեմք ա. եկած-չեկած ինչ-որ բաներ ա ուզում ու դեռ մի հատ էլ բարձր հայտարարում ա էդ մասին: Բա դա «դաստիրակված», ինտելիգենտ պահվածք ա՞, չեմ հասկանում: 

Ասում ա, որ տարրական ու միջին դպրոցի ցածր դասարաններում ես ուզում եմ, որ երեխեքը մաթեմատիկա սովորեն, որ ոչ թե անկապ ով ինչ ստացվի անի, այլ ՆՊԱՏԱԿ ունենան ու նորմալ սոցիալական շփում.... Չեք հավատո՞ւմ. էս էլ իրենց բառերով, մեզանից շատերի համար ավելի հասկանալի լեզվով. 

Finland recognizes the significant influences of mathematics education on students’ intellectual growth and their ability to advance purposeful activity and social interaction.1 

Մենք ոչ մի բան չենք ասում.... Ինչպե՞ս կարելի է ընդհանրապես բարձրաձայնել ցանկությունների մասին, ֆու: Չնայած, երևի որ հարցնեն էլ, չենք իմանա ինչ ասել...

Ֆինլանդիան ասում ա, 1-2 դասարաններում ես ուզում եմ, որ երեխեքը ոչ թե ուղղակի մտածել, այլ մաթեմատիկորեն մտածեն, էսպիսի մի գործիք ունենան մտածելու համար ու համ էլ կենտրոնանան, ԼՍԵՆ, ԽՈՍԵՆ իրար ու ուրիշների հետ ու կամաաաց հիմքը դնենք, որ հետո սկսենք մաթեմատիկական հասկացություններից խոսել երեխեքի հետ.

In the first and second grades, mathematics instruction focuses on mathematical thinking as well as concentration, listening, and communication skills, while providing a basis for the formulation of mathematical concepts and structures.1 

Մտածե՞լ, էդ ի՞նչ բան ա, և ի վերջո, չէ՞ որ հնագույն ազգ մըն ենք մենք, ուրեմն էսքան դար չենք իմացե՞լ, ոնց մտածել... Ու ասում ենք. «սովորացնենք» թվաբանություն, բնական թվեր ու դրանց հանում-գումարում, արագություն, ժամանակ ու հեռավորություն, բազմապատկում, բաժանում, հանրահաշվական արտահայտություններ, կոտորակ ու մի երկու երկրաչափական մարմին.


The mathematics curriculum for Grades 1 to 4 includes the following main topics:
·         Arithmetic operations
·         Natural numbers
·         Addition and subtraction with natural numbers
·         Speed, time, and distance
·         Multiplication and division with natural numbers
·         Algebraic expressions and computations
·         Fractions
·         Geometric shapes and their study.2


Հլա տեսեք Ֆինլանդիայում երկրաչափություն ի՝նչ բանաստեղծական ա հնչում. 
·         Geometry—Observing and describing spatial relationships; observing, describing, and naming geometric shapes in the environment; recognizing, explaining, and naming two- and three-dimensional figures; basic geometric concepts such as point, line segment, line, half line, and angle; making, drawing, and tracing two-dimensional figures and recognizing and constructing three-dimensional figures; and simple reflections and dilations.1

Սա քիչ ա, 1-2 դասարանում ջիգ են թափում, որ երեխեքին համոզեն  բանաստեղծություն գրեն. 

Data Processing and Statistics—Looking for, collecting, and storing data; and reading simple tables and diagrams and presenting collected data as a graph. 1

Որ մտածում եմ մեր սիրուն ու անկրակ երեխեքի  մասին, տխրում եմ...