Saturday, October 27, 2007

Ե՞ՐԲ

Երեկ գիտակցաբար չգնացի հանրահավաքին:

Ես մի ակնկալիք ունեմ առաջնորդից. խոստովանել, որ առաջնորդությունը սարսափելի ծանր պատասխանատվություն է, որն ինքն ստանձնում է, որովհետև պատրաստ է պատասխան տալու հաջողությունների և ձախողումների համար: Ես չեմ ուզում լսել այն մասին, թե ինչ սխալներ են արվել մինչև իր առաջնորդությունը, ինչ կարող է անել ինքը սխալները շտկելու համար: Չէ:

Ուզում եմ տեսնել առաջնորդ, ով կարող է իրեն թույլ տալ խոստովանել, որ «տեր լինել» նշանակում է «ծառայել», ով իր առօրյա կյանքի ամեն մի ժամով ապացուցելու է իր յուրաքանչյուր խոսքը: Չեմ տեսնում, չկան:

Շատերն ասում են, կան ընթացակարգեր, որոնք չի կարելի խախտել: Ո
՞վ ասաց: Եթե կարող եմ մի օր փողոց դուրս գալ, օպերայի պապիկների հետ զրուցել ու իմանալ «ինչն ինչոց ա», ո՞վ է ասել, որ մի խումբ մկան եմ հետևիցս քարշ տալու: Անվտանգությո՞ւն: Անվտանգությունը սերն ու հարգանքն է:

Կարդում եմ Տեր-Պետրոսյանի ելույթը: «Ռեժիմի անբարո գործունեության արդյունքում առաջին պլան են մղվել մարդ-արարածի ամենաստորին բնազդները: Դրանով ահռելի հարված է հասցվել ազնվության, արդարության, պարկեշտության, ինքնազոհության վերաբերյալ մեր ժողովրդի մոտ ավանդաբար ձևավորված պատկերացումներին»: Է, հա: Անորակների հավաքածու ենք: Փաստ: Ո
՞վ մեզ այդպիսին դարձրեց...

"We must remove the hatred for the British from our hearts. At least, in my heart there is no such hatred. As a matter of fact, I am a greater friend of the British now than I ever was. The reason for this is that at this moment they are in distress. My friendship demands that I must make them aware of their mistakes. As I am not in the position in which they find themselves, I am able to point their mistakes out to them."

1942-ին Գանդին այսպես է դիմում Համահնդկական կոնգրեսին:

Ընկերոջն ատելությամբ չեն մատնանշում իր սխալները: Տեր-Պետրոսյանն ինքն է խոստովանում, որ Քոչարյանն ու Սարգսյանն իր ընկերներ են եղել: Հատկապես, երբ սխալների ակունքը բուն այդ ընկերության ընթացքում է ձևավորվել: Մոլախոտին իր էության մեջ պետք չի մեղադրել, եթե ինքդ ես հոգատարությամբ տնկել դրա սերմերը: Աճած մոլախոտը կարելի է արմատախիլ անել, բայց նա ով չի գիտակցում, որ իր ձեռքում վարդի սերմեր չեն, այլ մոլախոտի, իրավունք չունի վարուցանքով զբաղվել: Վերջ:

Խոստանում է անդրադառնալ մեղադրանքներին հաջորդ ելույթների ընթացքում: Չէ: Նախ քավարան են մտնում, մաքրվում, հետո վայելում դրախտը:

«Նախ և առաջ պետք է մաքրել սեփական ախոռները»: Իսկապես, իսկ ինչո
՞ւ եք ուրիշինից սկսում:

Հեղձուցիչ է օդն էս երկրում...

Ե
՞րբ ենք ծնելու ոգով արիներ...

2 comments:

artashes said...

"Ե՞րբ ենք ծնելու ոգով արիներ..."

Motaka apagayum (mer kyanqi 'ntatsqum) - hastat chenq tsnelu!!! Da past a! (Karogh es da ch'ndunel u anurjnerin matnvel, bayts pasta dranits chi poxvi.)Dranits elnelov, amen meka ir kyanqa petq e kazmakerpi u planavori.

Ete aydpes xor u tsavot kerpov es 'nkalelu Hayastani irakanutyuna, apa meja epvelu u amen or hogid xotselu imasta - ZRO e! Kstanas infarkt u vaghazham kmahanas` arants voreve mekin voreve ogut talu. Kam el depresiv-'nkchvats-batsasakan tipar kdarnas` arants voreve mekin voreve ogut talu.

Petq e durs gal Hayastanits!!!

(Kam el amboghj tapov u erandov zbaghvel hasarakakan-qaghaqakan gortsuneutyamb` takanqneri koghqin u takanqneri het` takanqnerin haghtaharelu/veradastiarakelu(?) npatakov! Karogh es???)

Observer said...

Հարց, որ արդեն տվել եմ իմ բլոգում՝
http://ditord.wordpress.com/2007/10/31/president-kocharyan-speaks-a-lot-about-ex-president-ter-petrossyan-but-says-nothing/
Why on earth don’t we set up some basic IQ tests before we let these guys run for presidency?
Վերաբերում է՝ Լևոնին, Սերժին, Ռոբին և նախագահության ինստիտուտին ընդհանրապես, թեև ենթատեքստից կտրված այնքան էլ իմաստավոր չի հնչում։

Ինչ վերաբերում է՝ քո դիտողությանը.«Հեղձուցիչ է օդն էս երկրում...»
Re: http://oragir.wordpress.com/2007/10/22/%d4%b3%d5%ac%d5%ad%d5%a1%d5%a3%d5%a1%d5%b6%d5%a3%d5%ab%d5%bd-%d5%a3%d5%b4%d5%a2%d5%a5%d5%a9%d5%ab-%d5%bf%d5%a1%d5%af/